مالك يا قلبى

مالك يا قلبى ومالهم
م كفاية اللى جرالنا
عشنا سنين فى وهم كبير
وأدى جزاء أختيارنا

حبينا يا قلبى بصدق
ومكناش دارين ب الخطر
فرحتنا الدنيا مش سيعاها
عصفورين بيرقصوا ع الشجر

وفى ليلية سهر
وياه القمر
عرفنا حقيقتهم
ساعة المطر

عرفنا أن دنيتهم غابة
مليانة وحوش وديابة
بيبيعوا العشرة ب مجرد إشارة
طب اية الأمارة
حب وحبيناهم
اخلاص وايدناهم
وادى جزتنا يا قلبى
نغرق فى بحور خيانتهم
وتندبح أبسط أحلامنا
آه من الأمل الكداب
سرق أجمل أيامنا
توهنا ورمانا ف وسط طريق
ولا عدنا شايفين قدامنا

مالك يا قلبى ومالهم
م كفاية اللى جرالنا
عشنا سنين فى وهم كبير
وأدى جزاء أختيارنا

غيرتكِ عليا مش طبيعية

شايف من بعيد نظرة عنيكِ
والنار فيها قايدة
غيرتكِ عليا هتجننى
يا رب مفيش فايدة

غيرتكِ عليا مش طبيعية
وتعبت منها بجد
عايزنى أعتكف وأقعد جنبكِ
ولا كلمشى حد
جارتى
أختِ
بنت عمى
طب أعمل أية يا ربى
خلتنى أشك فى نفسى
وقربت أكون فلاتى
م الزن على الودان أكيد ب يلطش
وهيخلينى بنى آدم تانى
أهدم جسور محبتنا
ولا أعملش حساب لحد
مادمتى فاتحه على الرابع
وغيرتكِ مالهاش حد

شايف من بعيد نظرة عنيكِ
والنار فيها قايدة
غيرتكِ عليا هتجننى
يا رب مفيش فايدة

بحبكِ وأنتِ متأكده
عايزنى أقولكِ أيه تانى
حبكِ ب يزيد فى قلبى
يا غالية
يوم ورا التانى

طب هسألكِ سؤال دلوقتى
ومش هطول على الماشى

راحت فين لهفتكِ
وتسلم أيدك يا غالى
وأبتسمتكِ ليا وأنا راجع
نورت بيتك يا حياتى

راحت فين كلمة بحبك
لية معتش بسمعها
خلاص بقينا روحين
بعد ما كنا واحده

فكرة أول بيت من قصيدة
كتبهالكِ قلمى فى ترحاله
سأرهقكِ حبا وشعرا
لان تقوى على احتماله

دلوقتى
كل اللى شاف حالنا
بيقوله يالا العجب
قصة حبهم قيس وليلى
تنكتب شعر وأدب
يا ترى أيه جرالهم
يا ترى مين السبب ؟
يالا العجب

شايف من بعيد نظرة عنيكِ
والنار فيها قايدة
غيرتكِ عليا هتجننى
يا رب مفيش فايدة

نجحوا يا مصر وبجدارة

نجحوا يا مصر وبجدارة
يعملونه كرة بدبارة
وكمان يلعبوا بينا
وأحنا راضين يا خسارة

قسمونا فرق فى الميادين
أشى عباسية
وأشى تحرير وأربعين


المشير قاعد
لا المشير يتنحا ؟
ومصر يا ولاده بيتلوى دراعها .. !

قوام نسينا الناس الغلابة الشقيانين
اللى صحين فى طين
نيمين فى طين
تعبانين
صدمانين
وبيباتوا ليلاتى جعانين
بالزمة ده كلام يا بنأدمين .. !

أمبارح وأنا واقف مسحول فى الشمس طابور
بغير أنبوبة مش رغيف .. !
ف بسأل حد م الموزعين
بكام يا عم الأنابيب
قالى الأنبوبة ب 20 ولا أنتا عملى كفيف
ولو عوزها من تحت ل تحت دكاكين
أيدك على 30 يا خفيف

فينكِ يا حكومة
فينك يا شرف
نايملى فى العسل سيادتك
يا أخى جاتك الأرف

نجحوا يا مصر وبجدارة
يعملونه كرة بدبارة
وكمان يلعبوا بينا
وأحنا راضين يا خسارة


المجلس العسكرى يا عينه يا جبايره
لبس البلد فى الحيطة
خبرته السياسية يا دوبك على قده
مريلة كحلى ب شريطة

والأحزاب السياسية يا أوحى يا أوحى
أتفرج وشوف يا عماد
خناقة وخناقة على الفضائيات
وياريت مصر فى الدماغ

ومنصور العيسوى يا داخلية
يا ختى كميلة عليه
الله حرصه وصاينه
ويبشبش السلطة فى أيديه
إستحل بيها دم المصريين
بكل صفاقة وغباوة
ولا أتعلمش من الدرس سيادته
وكأنه عيل بريالة

آة يا مصر يا حبيبتى الكل عملكِ طرطة
وبيقطعوا فيكِ واحد ورا التانى
يمين يلايمنى عليهم
وأنا أقرقشهملكِ يا غالية بسنانى

فداكِ يا بلدى نفسى
وتعيشى أبية مهما كان
أعمركِ وأخضر صحاريكِ
والله وحده المستعان

نجحوا يا مصر وبجدارة
يعملونه كرة بدبارة
وكمان يلعبوا بينا
وأحنا راضين يا خسارة

أن بعد العسر يسر

حب الدنيا هتحبك وأوع فى يوم تكشر
أفرح وأضحك وأنسى همومها
حبها على قد ما تقدر


على طول قافل بيبانك
وشايفها ضلمه كحل
مع ان ربنا قالها
أن بعد العسر يسر

ليه عايش فى الحزن تملى
ودمعك على الخد مرسوم
وأن سألك حد مالك
يا عم أنا مهموم

يا ما ناس قبلك باتوا
هما والحزن أخوات
ناموا وصحيوا
فاقوا وفرحوا
سبحان العاطى الوهاب

يبقى ليه تسلم للحزن أمرك
وتخلى دنيتك كرب فى كرب
عيشها كدة زى ما هى
ومتقولش ليه يا رب
من دون عبادك الهم راكبنى
ومن مطب لمطب

قوم و وحد الدايم
صلى ركعتين وأستغفر
الجئلو يلا بقلب سليم
وهو فى ثانية يأمر

حب الدنيا هتحبك وأوع فى يوم تكشر
أفرح وأضحك وأنسى همومها
حبها على قد ما تقدر